Psychology notes സൈക്കോളജി നോട്സ് മലയാളത്തിൽ PSC-LPUP-HSA

 

വ്യത്യസ്ത മന:ശാസ്ത്ര ശാഖകള്‍ Different Branches of Psychology

വ്യത്യസ്ത മന:ശാസ്ത്ര ശാഖകള്‍

1. വിദ്യാഭ്യാസ മന:ശാസ്ത്രം (Educational psychology)

കുട്ടികളുടെ പഠനവുമായി ബന്ധപ്പെട്ട സമായോജനം,  പഠനപ്രശ്നങ്ങള്‍, പഠനതന്ത്രങ്ങള്‍ തുടങ്ങിയ മേഖലകളില്‍ മന:ശാസ്ത്രപരമായ തിരിച്ചറിവുകള്‍ പ്രയോഗിക്കല്‍

2. ചികിത്സാ മന:ശാസ്ത്രം (Clinical psychology)

മാനസികപ്രശ്നങ്ങള്‍ തിരിച്ചറിയല്‍, അവയുടെ കാരണങ്ങള്‍ കണ്ടെത്തല്‍, അതു പരിഹരിക്കാന്‍ രോഗികളെ സഹായിക്കല്‍ എന്നിവ തികച്ചും മന:ശാസ്ത്രപരമായ സമീപനത്തിലൂടെ നിര്‍വഹിക്കുന്ന ശാസ്ത്രശാഖ

3. ക്രിമിനല്‍ മന:ശാസ്ത്രം (Criminal psychology)

കറ്റവാളികളുടെയും സാമൂഹ്യവിരുദ്ധരുടെയും സാഹചര്യങ്ങള്‍ പഠിക്കല്‍, അവരുടെ പ്രശ്നങ്ങള്‍ തിരിച്ചറിയല്‍, അവരെ മാറാന്‍ സഹായിക്കല്‍ എന്നിവ ഇതിന്റെ പരിധിയില്‍ വരുന്നു.

4. വ്യവസായ മന:ശാസ്ത്രം (Industrial psychology)

വ്യാവസായിക പുരോഗതി കൈവരിക്കുന്നതിന്  മന:ശാസ്ത്രപരമായ ഉള്‍ക്കാഴ്ചകള്‍ പ്രയോഗിക്കുന്ന ശാസ്ത്രശാഖ. ശാസ്ത്രീയമായ ടെസ്റ്റുകള്‍ നടത്തി മെച്ചപ്പെട്ട ഉദ്യോഗസ്ഥരെയും തൊഴിലാളികളെയും തെരഞ്ഞെടുക്കല്‍, അവരുടെ പ്രവര്‍ത്തനത്തെ ഫലപ്രദമായി സൂപ്പര്‍വൈസ് ചെയ്യല്‍ എന്നിവ ഇതിന്റെ ഭാഗമാണ്. പ്രോത്സാഹനം നല്‍കിയും മെച്ചപ്പെട്ട വ്യക്ത്യാന്തര ബന്ധങ്ങള്‍ സൂക്ഷിച്ചും ഉത്പാദനം വര്‍ധിപ്പിക്കാന്‍ ഇതിലുള്ള അറിവ് സഹായിക്കുന്നു. അതുപോലെ പരസ്യങ്ങളിലൂടെ ഉപഭോക്താക്കളുടെ മനസ്സിനെ കീഴ്പെടുത്താന്‍ നടത്തുന്ന പ്രവര്‍ത്തനവും ഇതിന്റെ ഭാഗമാണ്.

5. വികാസ മന:ശാസ്ത്രം (Developmental psychology)

ജനനം മുതല്‍ മരണം വരെ വിവിധ മേഖലകളില്‍ ഉണ്ടാവുന്ന വികാസത്തിന്റെ വിവിധ വശങ്ങള്‍ ഇതില്‍ പഠനവിധേയമാക്കുന്നു. വികസനത്തില്‍ പാരമ്പര്യം, പക്വത, കുടുംബസാഹചര്യം, സാമൂഹ്യ സാമ്പത്തിക ചുറ്റുപാടുകള്‍ എന്നിവ വഹിക്കുന്ന പങ്ക് ഇതില്‍ ഉള്‍പ്പെടുന്നു.

6. സാമൂഹ്യ മന:ശാസ്ത്രം (Social psychology)

സമൂഹത്തിലെ അംഗമെന്ന നിലയിലുള്ള വ്യക്തിയുടെ പ്രവര്‍ത്തനങ്ങളാണ് ഇവിടെ പഠനവിധേയമാകുന്നത്. സാമൂഹ്യകാഴ്ചപ്പാടുകള്‍, സാമൂഹ്യബന്ധങ്ങള്‍, സാമൂഹ്യ ഇടപെടലുകള്‍ എന്നിവ ഇവിടുത്തെ പരിഗണനാവിഷയങ്ങളാണ്.

7. നാഡീമന:ശാസ്ത്രം (Neuro-psychology)

മനുഷ്യവ്യവഹാരങ്ങള്‍ക്കു പിന്നിലെ നാഡീസംബന്ധമായ മാറ്റങ്ങള്‍ സ്കാനിങ്ങ് തുടങ്ങിയ രീതികളുപയോഗിച്ച് പഠിക്കുന്നു.

 8. പരിസര മന:ശാസ്ത്രം (Environmental psychology)

പരിസരത്തിലെ വിവിധ ഘടകങ്ങള്‍ മനുഷ്യവ്യവഹാരത്തില്‍ ചെലുത്തുന്ന സ്വാധീനമാണ് ഈ ശാഖയില്‍ പഠനവിധേയമാക്കുന്നത്.

9. കായിക മന:ശാസ്ത്രം (Sports psychology)

കായികതാരങ്ങളെ മെച്ചപ്പെട്ട പ്രകടനത്തിന് പ്രാപ്തമാക്കുന്ന സാഹചര്യങ്ങള്‍ തിരിച്ചറിയലും പ്രയോജനപ്പെടുത്തലുമാണ് ഇതിന്റെ ഉള്ളടക്കം

LP UP Assistant|LPSA|UPSA Kerala PSC

വ്യത്യസ്ത മന:ശാസ്ത്രസിദ്ധാന്തങ്ങള്‍ 

Important Psychological Theories

1. ഘടനാവാദം (Structuralism)

വില്യം വുണ്ടിന്റെ ആശയങ്ങളില്‍ നിന്ന് തുടങ്ങി. വുണ്ടിന്റെ ശിഷ്യനായ എഡ്വേര്‍ഡ് ടിച്ച്നറാണ് പ്രധാന വക്താവ്.

മനുഷ്യമനസ്സിനെ ഘടകങ്ങളായി വിഭജിക്കാനാവുമെന്നും ഈ ഘടകങ്ങളെ കുറിച്ചാണ്  മന:ശാസ്ത്രത്തില്‍ പഠിക്കേണ്ടതെന്നും ഇവര്‍ കരുതി. 

മനസ്സിനെ സംവേദനങ്ങളായും ആശയങ്ങളായും വികാരങ്ങളായുമൊക്കെ ഇഴപിരിക്കാമെന്ന് ഇവര്‍ വാദിച്ചു. 

ഇങ്ങനെ മനസ്സിന്റെ ഘടകങ്ങളെ വേര്‍തിരിച്ചറിയാന്‍ അന്തര്‍ദര്‍ശനം എന്ന രീതിയെയും അവര്‍ ആശ്രയിച്ചു. 

എന്നാല്‍ രസതന്ത്രത്തില്‍ ഒരു സംയുക്തത്തെ ഘടകമൂലകങ്ങളാക്കി വിഭജിക്കും പോലെ മനസ്സിനെ വേര്‍തിരിക്കാനാവില്ലെന്ന് മറ്റു പലരും വാദിച്ചു. പ്രത്യേകിച്ചും  വില്യം ജെയിംസിനെ പോലുള്ള ധര്‍മവാദികള്‍.

2. ധര്‍മവാദം ( Functionalism )

ജീവികളുടെ അടിസ്ഥാന ജീവിതലക്ഷ്യം തന്നെ പരിസരവുമായി നന്നായി ഇഴുകിച്ചേരലാണ്. ഇതിനായി മനസ്സ് പല പ്രവര്‍ത്തനങ്ങളും നടത്തുന്നു. ഇത്തരത്തിലുള്ള മനസ്സിന്റെ ധര്‍മങ്ങളാണ് പ്രധാനമെന്ന് ധര്‍മവാദികള്‍ കരുതുന്നു. 

പഠനം, ഓര്‍മ, പ്രചോദനം, പ്രശ്നാപഗ്രഥനം തുടങ്ങിയവ ഇത്തരം ധര്‍മങ്ങളാണ്. വില്യം ജെയിംസാണ് ധര്‍മവാദത്തിന്റെ പ്രമുഖവക്താവ്. 

ജോണ്‍ ഡ്യൂയിയെയും ധര്‍മവാദിയായി കണക്കാക്കാം.

3. ഗസ്റ്റാള്‍ട് സിദ്ധാന്തം ( Gestaltism )

ജര്‍മന്‍ മന:ശാസ്ത്രജ്ഞനായ മാക്സ് വര്‍തീമറാണ് ഇതിന്റെ പ്രധാന വക്താവ്. 

കര്‍ട് കൊഫ്ക, വുള്‍ഫ്ഗാങ്ങ് കൊഹ്ലര്‍ എന്നിവരാണ് ഇക്കാര്യത്തില്‍ അദ്ദേഹത്തിന്റെ കൂട്ടുകാര്‍. 

1912 ലാണ് ഈ കാഴ്ചപ്പാട് അവതരിപ്പിക്കപ്പെട്ടത്. 

ഭാഗങ്ങളുടെ ആകെത്തുകയെക്കാള്‍ വലുതാണ് സമഗ്രത എന്നതാണ് ഇതിന്റെ അടിസ്ഥാന കാഴ്ചപ്പാട്. ഫലത്തില്‍ ഘടനാവാദത്തിന്റെ ഏറ്റവും വലിയ വിമര്‍ശകരായി ഇവര്‍ മാറി. 

ഒരു വ്യവഹാരത്തെ ചോദക-പ്രതികരണ ബന്ധമായി കാണുമ്പോള്‍ വിശ്ലേഷണമാണ് നടക്കുന്നത്.

പ്രത്യേക തരത്തിലുള്ള മനോമുദ്രകളുടെ രൂപീകരണമാണ് പഠനം എന്നും ഇവര്‍ വിശദീകരിക്കുകയുണ്ടായി.

സംവേദനങ്ങളെ സ്വാധീനിക്കുന്ന നാല് ദൃശ്യഘടകങ്ങളെ കുറിച്ചും ഇവര്‍ വിശദീകരിക്കുകയുണ്ടായി. സാമീപ്യം, സാദൃശ്യം, പൂര്‍ത്തീകരണം, ലാളിത്യം എന്നിവയാണവ.

കൊഹ്ലര്‍ സുല്‍ത്താന്‍ എന്ന കുരങ്ങില്‍ നടത്തിയ പരീക്ഷണങ്ങളിലൂടെ പഠനത്തെ സംബന്ധിച്ച ഇവരുടെ കാഴ്ചപ്പാടിന് മൂര്‍ത്തരൂപം നല്‍കി.

 സുല്‍ത്താന് പഴം  സ്വന്തമാക്കാന്‍ കഴിഞ്ഞത് പ്രശ്നസന്ദര്‍ഭത്തെ സമഗ്രമായി കാണാന്‍ കഴിഞ്ഞതുകൊണ്ടാണ്.

4. മനോവിശ്ലേഷണ സിദ്ധാന്തം ( Psycho analytic theory )

ആസ്ട്രിയന്‍ മന:ശാസ്ത്രജ്ഞനായ സിഗ്മണ്ട് ഫ്രോയിഡാണ് ഇതിന്റെ ആവിഷ്കര്‍ത്താവ്. 

ബോധതലമല്ല മറിച്ച്, അബോധതലമാണ് ശരിയായ യാഥാര്‍ഥ്യമെന്ന് അദ്ദേഹം കരുതി. 

അബോധതലത്തിലുള്ള കാര്യങ്ങളാണ് ചിന്തയിലൂടെയും സ്വപ്നങ്ങളിലൂടെയുമൊക്കെ പ്രകാശിതമാവുന്നതെന്ന് അദ്ദേഹം വിശദീകരിച്ചു. 

ഇദ്, ഈഗോ, സൂപ്പര്‍ ഈഗോ എന്നിങ്ങനെയുള്ള വ്യക്തിത്വത്തിന്റെ മൂന്നു ഭാഗങ്ങളെ കുറിച്ചും അദ്ദേഹം വിശദീകരിച്ചു. കാള്‍ യുങ്ങ്, ആല്‍ഫ്രഡ് അഡ്ലര്‍ എന്നിവരാണ് മറ്റു വക്താക്കള്‍.

5. വ്യവഹാരവാദം ( behaviourism)

പാവ് ലോവിന്റെ പഠനങ്ങളെയും സ്വന്തം നിരീക്ഷണങ്ങളെയും അടിസ്ഥാനമാക്കി ജോണ്‍ ബി. വാട്സണ്‍ ഇതിനു രൂപം നല്‍കി. 

ജീവികളില്‍ നടത്തിയ പരീക്ഷണങ്ങളിലൂടെ കണ്ടത്തിയ കാര്യങ്ങള്‍ മനുഷ്യര്‍ക്കും ബാധകമാണെന്ന് കരുതി. 

മനസ്സ് നിരീക്ഷണവിധേയമല്ലാത്തതിനാല്‍ അതിനെ അവര്‍ തീര്‍ത്തും അവഗണിച്ചു. മനുഷ്യനുള്‍പ്പെടെയുള്ള എല്ലാ ജീവികളുടെയും വ്യവഹാരങ്ങള്‍ ചോദക-പ്രതികരണബന്ധങ്ങളില്‍ അധിഷ്ഠിതമാണെന്ന് വാദിച്ചു. 

അനുകരണം, ആവര്‍ത്തനം എന്നിവ വഴി ഏതൊരു വ്യവഹാരത്തെയും നാം ആഗ്രഹിക്കുന്ന രീതിയിലേക്കു മാറ്റാനാവുമെന്ന വിശ്വാസത്തെ ബലപ്പെടുത്തി. 

അതുകൊണ്ടുതന്നെ വലിയ അംഗീകാരം എളുപ്പത്തില്‍ കിട്ടി. 1920 മുതല്‍ 1960 വരെ മന:ശാസ്ത്രമേഖല അടക്കി വാണു. സ്കിന്നര്‍, തോണ്ടെയ്ക്ക് എന്നിവരായിരുന്നു മറ്റു പ്രധാന വക്താക്കള്‍.

6. ജ്ഞാതൃവാദം ( cognitivism )

ജീന്‍ പിയാഷെയുടെ സിദ്ധാന്തങ്ങള്‍ ആണ് പ്രധാന അടിത്തറ. 

1959 ല്‍ സ്കിന്നറുടെ വ്യഹാരവാദത്തെ എതിര്‍ത്ത് നോം ചോംസ്കി മുന്നോട്ടു വച്ച ആശയങ്ങള്‍ ജ്ഞാതൃവാദത്തെ ബലപ്പെടുത്തി. 

മനുഷ്യന്‍ ചിന്തിക്കുന്ന ജീവിയാണെന്നും അതുകൊണ്ട് മാനസികപ്രക്രിയകളാണ് പഠനവിധേയമാക്കേണ്ടതെന്നുമായിരുന്നു ഇവരുടെ വാദം. 

തലച്ചോറിന്റെ പ്രവര്‍ത്തനങ്ങളെ കറിച്ചുള്ള പുതിയ കണ്ടെത്തലുകള്‍ ജ്ഞാതൃവാദത്തെ ഒന്നുകൂടി ശക്തമാക്കി. 

അനുഭവങ്ങളിലൂടെ കടന്നുപോവുമ്പോല്‍ അറിവു നിര്‍മിക്കപ്പെടുന്നുവെന്ന ജ്ഞാതൃവാദ കാഴ്ചപ്പാട് വിദ്യാഭ്യാസപ്രവര്‍ത്തനങ്ങള്‍ക്ക് വ്യക്തമായ ദിശാബോധം നല്‍കുന്നു. 

ജെറോം എസ്.ബ്രൂണര്‍, ലവ് വിഗോട്സ്കി എന്നിവരാണ് ജ്ഞാതൃവാദത്തിന്റെ കാഴ്ചപ്പാടുകളെ വികസിപ്പിച്ച മറ്റു പ്രധാനികള്‍.

 

7. മാനവികതാവാദം ( humanism )

കാള്‍ റോജേഴ്സിന്റെയും അബ്രഹാം മാസ്ലോവിന്റെയും ആശയങ്ങളില്‍ നിന്നും രൂപപ്പെട്ടു. വ്യവഹാരവാദത്തെയും മാനസികവിശ്ലേഷണ സിദ്ധാന്തത്തെയും ഒരുപോലെ എതിര്‍ത്തു. 

കാരണം അവ മനുഷ്യരെ മൃഗതുല്യരായി കാണുന്നു. പകരം മനുഷ്യന്റെ ആത്മശേഷികളെ മാനവികതാവാദം ഉയര്‍ത്തിപ്പിടിച്ചു. 

പ്രശ്നങ്ങളെ സ്വയം വിശകലനം ചെയ്യാനും പരിഹാരങ്ങള്‍ കണ്ടെത്താനും മനുഷ്യനു കഴിയുമെന്നു വിശ്വസിക്കുകയും അപ്രകാരം രോഗചികില്‍സയില്‍ ഏര്‍പ്പെടുകയും ചെയ്തു. 

മനുഷ്യന്റെ സവിഷേഷമായ കഴിവുകളില്‍ ഊന്നുന്ന മാനവികതാവാദം  വ്യക്തിപരമായ വളര്‍ച്ചയ്ക്കുള്ള ശേഷിയെയും സ്വാതന്ത്ര്യത്തെയും പ്രധാനമായി കാണുന്നു.

മന:ശാസ്ത്ര പഠനരീതികള്‍

 (methods of psychological studies) | LP UP Assistant|LPSA|UPSA Kerala PSC

Education and Child Psychology 

അന്തര്‍ദര്‍ശനം ( introspection)

ഒരാള്‍ തന്റെ മനസ്സിലുള്ള കാര്യങ്ങള്‍ സ്വയം വിവരിക്കുന്ന രീതി.ഇതിലൂടെ അയാളുടെ മനസ്സില്‍ നടക്കുന്നത് എന്തെന്ന് അറിയാനാവും എന്ന് കരുതപ്പെടുന്നു.

വില്യം വുണ്ടും വില്യം ജെയിംസും ഈ രീതി ഉപയോഗിക്കുകയുണ്ടായി.

എന്നാല്‍ ഈ രീതി ഒട്ടും വിശ്വസനീയമല്ലെന്ന് മറ്റു പലരും കരുതി.കുട്ടികള്‍, അബ് നോര്‍മലായ മുതിര്‍ന്നവര്‍, വൈകാരികമായ അവസ്ഥയില്‍ അകപ്പെട്ടവര്‍ എന്നിവര്‍ക്ക് വസ്തുനിഷ്ഠമായ ഒരു വിവരണം നല്‍കാന്‍ കഴിയണമെന്നില്ല. അതുകൊണ്ടുതന്നെ അവര്‍ നല്‍കുന്ന വിവരങ്ങള്‍ വിശ്വസനീയമല്ല.

നിരീക്ഷണം ( observation)

പഞ്ചേന്ദ്രിയങ്ങളിലൂടെയുള്ള നേരിട്ടുള്ള വിവരശേഖരണം.

വിവരശേഖരണത്തിന് പല രീതികള്‍ അനുവര്‍ത്തിക്കാം. നേരിട്ടുള്ളത് /അല്ലാത്തത്, നിയന്ത്രിതം / അനിയന്ത്രിതം, പങ്കാളിത്തപരം /അല്ലാത്തത് എന്നിവ ഉദാഹരണം.

സ്വാഭാവികമായ വിവരശേഖരണം എന്ന മികവ് ഈ രീതിക്കുണ്ട്.

അഭിമുഖം ( interview)

മുഖാമുഖത്തിലൂടെ വിവരശേഖരണം നടത്തുന്ന രീതിയാണിത്. നേരിട്ടും ടെലഫോണിലൂടെയും ഇന്റര്‍നെറ്റ് വഴിയുമൊക്കെ അഭിമുഖം നടത്താം.

ഇന്റര്‍വ്യൂവും പല തരത്തിലാവാം. ക്രമീകൃതമായത് /അര്‍ധക്രമീകൃതമായത് / ക്രമീകൃതമല്ലാത്തത് എന്നത് ഒരു തരംതിരിവാണ്

ഉപാഖ്യാനരീതി ( anecdotal method)

ഒരാള്‍ ചില പ്രത്യേകസന്ദര്‍ഭങ്ങളില്‍ എങ്ങനെ പെരുമാറുന്നു എന്ന് പഠിക്കുന്നത് ഉപാഖ്യാനരീതിക്ക് ഉദാഹരണമാണ്. ഇതിലൂടെ അയാളുടെ വ്യക്തിത്വത്തെ സംബന്ധിച്ച പല വിലപ്പെട്ട സൂചനകളും ലഭിക്കുന്നു.

ഇങ്ങനെ ലഭിക്കുന്ന വിവരങ്ങള്‍ നിരീക്ഷകന്‍ അപ്പപ്പോള്‍ രേഖപ്പെടുത്തുന്നു. ഇത് രണ്ട് കോളത്തില്‍ ചെയ്യാം. ഒന്നാം കോളത്തില്‍ സംഭവവിവരണവും രണ്ടാം കോളത്തില്‍ അതിന്റെ വ്യാഖ്യാനവും.

സ്കൂള്‍ അധ്യാപകരെ സംബന്ധിച്ച് കുട്ടികളെ മനസ്സിലാക്കാന്‍ വളരെ ഉപകാരപ്പെടുന്ന രീതിയാണിത്.

സഞ്ചിതരേഖാരീതി ( cumulative record)

ഒരു വ്യക്തിയെ സംബന്ധിച്ച വിവിധ വിവരങ്ങള്‍ തുടര്‍ച്ചയായി രേഖപ്പെടുത്തുന്ന രീതിയാണിത്. ഉദാഹരണമായി ശാരീരികസ്ഥിതികള്‍, ആരോഗ്യനില, പഠനനേട്ടങ്ങള്‍,വ്യക്തിത്വസവിശേഷതകള്‍ എന്നിവ. വിദ്യാഭ്യാസരംഗത്ത് കുട്ടികളുടെ സമഗ്രമായ വിലയിരുത്തലിന് ഇത് സഹായിക്കും. അതുവഴി കുട്ടി ഏത് മേഖലയില്‍ പഠനം തുടരുന്നതാണ് ഗുണകരം എന്നൊക്കെയുള്ള കാര്യങ്ങളില്‍ തീരുമാനമെടുക്കുന്നതില്‍ കുട്ടിയെയും രക്ഷിതാവിനെയുംസഹായിക്കാനാവും.

പരീക്ഷണരീതി ( experimental method)

ഇതില്‍ മനുഷ്യന്റെ ഒരു വ്യവഹാരത്തില്‍ വരുന്ന മാറ്റം മറ്റൊന്നില്‍ എന്ത് മാറ്റമുണ്ടാക്കുന്നു എന്നു പഠിക്കുന്നു. 

ഇതില്‍ ആദ്യത്തെ ഘടകത്തെ സ്വതന്ത്രവ്യതിരേകം (independent variable) എന്നും രണ്ടാമത്തെ ഘടകത്തെ പരതന്ത്രവ്യതിരേകം (dependent variable)എന്നും പറയുന്നു. 

രണ്ടാമത്തെ ഘടകത്തില്‍ വരുന്ന മാറ്റത്തെ അതിനെ നേരിട്ട് വ്യക്തമാക്കുന്ന ഏതെങ്കിലും വ്യവഹാരത്തില്‍ വരുന്ന മാറ്റത്തിലൂടെ അളന്നെടുക്കുന്നു.

പരീക്ഷണം നടത്തുന്നതിനായി വ്യക്തികളെ രണ്ടു ഗ്രൂപ്പുകളാക്കുന്നു.ആദ്യഗ്രൂപ്പിനെ പരീക്ഷണഗ്രൂപ്പായും രണ്ടാമത്തെ ഗ്രൂപ്പിനെ നിയന്ത്രിതഗ്രൂപ്പായും കണക്കാക്കുന്നു. പരീക്ഷണഗ്രൂപ്പില്‍ വരുന്ന മാറ്റത്തെ നിയന്ത്രിതഗ്രൂപ്പിന്റെ മാറ്റവുമായി താരതമ്യം ചെയ്യുന്നു.അതിലൂടെ പരീക്ഷണഫലം നിര്‍ണയിക്കുന്നു.

ഏകവ്യക്തിപഠനം ( case study)

ഒരു വ്യക്തിയെ സംബന്ധിച്ച ആഴത്തിലുള്ള പഠനമാണിത്. ഇതിനായി പല തന്ത്രങ്ങളും ഉപയോഗിക്കേണ്ടതായി വരും. പലതരം വിവരങ്ങള്‍ ശേഖരിക്കേണ്ടതായി വരും. ചില പ്രത്യേകതകളുള്ള കുട്ടികളെ സംബന്ധിച്ച് പഠിക്കാന്‍ ഇത് സഹായിക്കും. ഉദാഹരണമായി അന്തര്‍മുഖനായ ഒരു കുട്ടി.

സര്‍വെ (survey)

ഒരുവിഭാഗം ആള്‍ക്കാര്‍ക്കിടയില്‍ ഒരു പ്രത്യേക കാര്യത്തോടുള്ള സമീപനം എന്തെന്നു മനസ്സിലാക്കാന്‍ സര്‍വെ ഉപകരിക്കുന്നു.രക്ഷിതാക്കള്‍ക്ക് / ഉപഭോക്താക്കള്‍ക്ക് ഇടയിലൊക്കെ സര്‍വെ നടത്താറുണ്ട്. സര്‍വെയിലൂടെ ലഭിക്കുന്ന വിവരങ്ങളെ അടിസ്ഥാനമാക്കി നിഗമനങ്ങളില്‍ എത്തിച്ചേരുന്നു.

ക്രിയാഗവേഷണം ( action research)

ഏതെങ്കിലും പ്രത്യേകമേഖലയില്‍ പ്രവര്‍ത്തിക്കുന്നവര്‍ അവര്‍ നേരിടുന്ന പ്രശ്നങ്ങള്‍ പരിഹരിക്കാന്‍ നടത്തുന്ന ഗവേഷണപ്രവര്‍ത്തനമാണ് ഇത്

വിലയിരുത്തല്‍ 

Child Psychology and Pedagogy|KTET|ICDS Supervisor|LP UP Assistant

വിലയിരുത്തല്‍

 അധ്യാപകര്‍ക്ക് വിലയിരുത്തലിനെക്കുറിച്ച് വ്യക്തമായ ധാരണയുണ്ടെങ്കിലേ പഠിതാവിനെയും പഠനപ്രക്രിയയെയും വിലയിരുത്തി ഗുണനിലവാരം ഉറപ്പാക്കാനുളള ഇടപെടല്‍ നടത്താനാകൂ. 

വിലയിരുത്തല് എന്നാല് എന്ത് ?

വിലയിരുത്തലുമായി ബന്ധപ്പെട്ട പ്രധാന പദാവലികള്‍ ഓര്‍ത്തുനോക്കാം

    • ആത്യന്തിക മൂല്യനിര്‍ണയം

    • തുടര്‍ മൂല്യനിര്‍ണയം, നിരന്തര വിലയിരുത്തല്‍, സംരചനാമൂല്യനിര്‍ണയം

    • പോര്‍ട്ട് ഫോളിയോ

    • ഫീഡ് ബാക്ക്

    • വിലയിരുത്തല്‍ തന്നെ പഠനം

    • പഠനത്തിനായുളള വിലയിരുത്തല്‍

    • പഠനത്തെ വിലയിരുത്തല്‍

    • നിദാനനിര്‍ണയം ( ഡയഗണോസ്ററിക് ടെസ്റ്റ്)

    • സ്വയം വിലയിരുത്തല്‍

    • പരസ്പര വിലയിരുത്തല്‍

    • ടീച്ചറുടെ വിലയിരുത്തല്‍

    • ഗ്രേഡിംഗ്

    • വിലയിരുത്തല്‍ സൂചകങ്ങള്‍

    • അനുരൂപീകരണ ചോദ്യങ്ങള്‍

    • ടേം മൂല്യനിര്‍ണയം

    • യൂണിറ്റ് ടെസ്റ്റ്

    • തത്സമയ വിലയിരുത്തല്‍

    • വാര്‍ഷിക പരീക്ഷ

    • ക്ലാസ് ടെസ്റ്റ്

    • ചെക്ക് ലിസ്റ്റ്

    • റേറ്റിംഗ് സ്കെയില്‍

    • നിരീക്ഷണം

    • ക്യുമുലേറ്റീവ് റിക്കാര്‍ഡ്

    • തുറന്ന ചോദ്യങ്ങളും അടഞ്ഞ ചോദ്യങ്ങളും

    • മള്‍ട്ടിപ്പിള്‍ ചോയ്സ് ചോദ്യങ്ങള്‍

    • വസ്തുനിഷ്ഠ ചോദ്യങ്ങള്‍

മൂന്നു തരം വിലയിരുത്തല്‍

1. പഠനത്തിനായുള്ള വിലയിരുത്തല്‍ (Assessment for learning )

പഠനം നടക്കുമ്പോള്‍ അതിന്റെ ഫലപ്രാപ്തിക്കായി നടത്തുന്ന വിവിധ ഇടപെടലുകളും വിലയിരുത്തലും ഫീഡ്ബാക്ക് നല്‍കലുമാണ് പഠനത്തിനായുള്ള വിലയിരുത്തല്‍ .

    • കുട്ടികളുടെ പ്രകടനം, പഠനത്തെളിവുകള്‍, അധ്യാപികയുടെ നിരീക്ഷണം ,കുട്ടിയുമായുളള ചര്‍ച്ച എന്നിങ്ങനെ വിവിധമാര്‍ഗങ്ങളിലൂടെ വിവരം ശേഖരിച്ചാണ് വിലയിരുത്തുക

    • ലിഖിതമോ വാചികമോ ആയ ഫീഡ് ബാക്ക് കുട്ടികള്‍ക്ക് നല്‍കണം. അത് പോസിറ്റീവാകണം. എങ്ങനെയെല്ലാം ചെയ്താന്‍ കൂടുതല്‍ മികവിലേക്കുയരാനാകുമെന്നുളള വ്യക്തമായ ധാരണ പകരലാണത്. വിവരണാത്മകമാകണം. കുറ്റങ്ങളും കുറവുകളും പറയലല്ല   

 • ഗ്രോഡോ സ്കോറോ പഠനത്തിനായുളള വിലയിരുത്തലില്‍ ഇല്ല.

    • പഠനപ്രക്രിയയിലുടനീളം സംഭവിക്കണം.

    • അധ്യാപികയുടെ വിലയിരുത്തലും കുട്ടികളുടെ പരസ്പര വിലയിരുത്തലും പഠനത്തിനായുളള വിലയിരുത്തലില്‍ വരും

2. വിലയിരുത്തല്‍ തന്നെ പഠനം(Assessment as learning)

ഇത് പ്രധാനമായും സ്വയം വിലയിരുത്തലാണ്. താന്‍ ചെയ്ത പ്രവര്‍ത്തനത്തിലൂടെ സ്വയം വിമര്‍ശനപരമായി കടന്നുപോകുന്ന ഒരു പഠിതാവ് തന്റെ മികവുകളും പരിമിതികളും തിരിച്ചറിയുന്ന ഒരുപ്രക്രിയയാണിത്.

    • ഗ്രേഡോ സ്കോറോ പഠനത്തിനായുളള വിലയിരുത്തലില്‍ ഇല്ല.

    • പഠനപ്രക്രിയയിലുടനീളം സംഭവിക്കണം.

    • എത്തേണ്ട ലക്ഷ്യത്തെക്കുറിച്ചും നേടേണ്ട നിലവാരത്തെക്കുറിച്ചും ധാരണയുളള കുട്ടിയ്കാണ് സ്വയം വിലയിരുത്തല്‍ നന്നായി നടത്താനാവുക

3. പഠനത്തെ വിലയിരുത്തല്‍  (Assessment of learning )

ഒരു നിശ്ചിത കാലയളവിനുശേഷം എന്തൊക്കെ എത്രത്തോളം പഠിച്ചു എന്നു വിലയിരുത്തല്‍.  നിശ്ചിത കാലയളവില്‍‍ ഒരു പഠിതാവിലുണ്ടായ മാറ്റം, പഠന നിലവാരം എന്നിവ വിലയിരുത്തുന്നതിനെ പഠനത്തെ വിലയിരുത്തല്‍ എന്നു പറയാം. ടേം വിലയിരുത്തലുകള്‍ ഈ ദൗത്യമാണ് നിര്‍വ്വഹിക്കുന്നത്.

    • അധ്യാപകരാണ് നടത്തുക

    • ഗ്രേഡിംഗ് നടത്തും

    • കുട്ടികളുടെ നേട്ടത്തെ നിലവാരവുമായി താരതമ്യം ചെയ്യും

    • ഫലം രക്ഷിതാക്കളുമായും കുട്ടികളുമായും പങ്കിടും

    • ഒരു യൂണിറ്റിന്റെയോ ടേമിന്റെയോ നിശ്ചിത കാലയളവിന്റെേയോ അവസാനം നടത്തുന്നു

 🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹

1. വിലയിരുത്തല്‍തന്നെ പഠനം (ASSESSMENT AS LEARNING) ആകുന്നതിന് കൂടുതല്‍ സാധ്യതയുളള പ്രവര്‍ത്തനം ഏതാണ്  ?

    A) അധ്യാപിക പഠനോല്പന്നങ്ങള്‍ വായിച്ച് തെറ്റു തിരുത്തി നല്‍കുമ്പോള്‍

    B) പഠനത്തിനിടയില്‍ ക്ലാസ് ടെസ്റ്റുകള്‍ നടത്തുമ്പോള്‍

    C) ഓരോ യൂണിറ്റിന്റെയും ഒടുവില്‍ എഴുത്തുപരീക്ഷ നടത്തുമ്പോള്‍

    D) കുട്ടികള്‍ സ്വയം വിലയിരുത്തി മെച്ചപ്പെട്ട സാധ്യതകള്‍ കണ്ടെത്തുമ്പോള്‍

2 കുട്ടികളുടെ പഠനനേട്ടം ഉറപ്പാക്കാനായി അധ്യാപിക നടത്തുന്ന വിലയിരുത്തലിനെ ഏത് വിഭാഗത്തില്‍ ഉള്‍പ്പെടുത്താം 

    A) പഠനത്തെ വിലയിരുത്തല്‍

    B) വിലയിരുത്തല്‍തന്നെ പഠനം

    C) പഠനത്തിനായുളള വിലയിരുത്തല്‍

    D) ടേം മൂല്യനിര്‍ണയം

.3 പാദവാര്‍ഷിക പരീക്ഷ താഴെപ്പറയുന്ന ഏത് ഇനം വിലയിരുത്തലാണ് 

    A) പഠനം തന്നെ വിലയിരുത്തല്‍

    B) വിലയിരുത്തല്‍ തന്നെ പഠനം

    C) പഠനത്തെ വിലയിരുത്തല്‍

    D) പഠനത്തിനായുളള വിലയിരുത്തല്‍

4 മൂന്നാം ക്ലാസിലെ പരിസരപഠനവുമായി ബന്ധപ്പെട്ട് കുട്ടി എന്തൊക്കെ പഠിച്ചു എന്നറിയാനായി ടീച്ചര്‍ ഒരു പ്രവര്‍ത്തനം നല്‍കി. ഇത് വിലയിരുത്തലിന്റെ ഏത് തലമാണ് 

    A) പഠനത്തിനായുളള വിലയിരുത്തല്‍

    B) പഠനത്തെ വിലയിരുത്തല്‍

    C) വിലയിരുത്തല്‍ തന്നെ പഠനം

    D) പഠനം തന്നെ വിലയിരുത്തല്‍

5. ഒരു പാഠഭാഗത്തിന്റെ/യുണിറ്റിന്റെ വിനിമയത്തിനു ശേഷം എന്തൊക്കെ പഠിച്ചു എന്നു വിലയിരുത്തുന്ന പ്രക്രിയ ഏത്? 

    A) പഠനത്തിനായുളള വിലയിരുത്തല്‍ (FOR)

    B) പഠനത്തെ വിലയിരുത്തല്‍ (OF)

    C) വിലയിരുത്തല്‍ തന്നെ പഠനം (AS)

     D) പ്രക്രിയയെ വിലയിരുത്തല്‍

6. പഠനപുരോഗതിക്ക് വേണ്ടി നിരന്തരം നിര്‍വഹിക്കുന്നതും പഠനപ്രവര്‍ത്തനത്തോട് ഇഴ ചേര്‍ന്നു നില്‍ക്കുന്നതുമായ മൂല്യനിര്‍ണയ പ്രക്രിയ 

    A) പഠനത്തെ വിലയിരുത്തല്‍ (OF)

    B) പഠനത്തിനായുളള വിലയിരുത്തല്‍ (FOR)

    C) വിലയിരുത്തല്‍ തന്നെ പഠനം (AS)

    D) ആത്യന്തിക മൂല്യനിര്‍ണയം (summative evaluation)

7.  ജലത്തിനോ മണ്ണെണ്ണയ്കോ സാന്ദ്രത കൂടുതല്‍ എന്നു കണ്ടെത്തുന്നതിനുളള പരീക്ഷണത്തില്‍ അധ്യാപിക കുട്ടികളെ എല്ലാ ഘട്ടങ്ങളിലും വിലയിരുത്തുന്നു. ഇത് വിലയിരുത്തലിന്റെ ഏതു തലത്തില്‍ ഉള്‍പ്പെടുന്നു? (പരിസ്ഥിതി പഠനം 2019)

    A) പഠനത്തിനായുളള വിലയിരുത്തല്‍

    B) പഠനത്തെ വിലയിരുത്തല്‍

    C) പഠനം തന്നെ വിലയിരുത്തല്‍

    D) വിലയിരുത്തല്‍ തന്നെ പഠനം

ഗ്രേഡിംഗ്

1.ഗ്രേഡിംഗ് ഉപയോഗിക്കുന്നത്  ?

    A) ഒരു പരീക്ഷയിലെ ഏറ്റവും ഉയര്‍ന്ന നിലവാരത്തിലുളള കുട്ടിയെ കണ്ടെത്താന്‍

    B) കുട്ടികളെ അവരുടെ കഴിവനുസരിച്ച് പ്രത്യേകഗ്രൂപ്പുകളായി തരംതിരിക്കാന്‍

    C) കുട്ടികളുടെ ശക്തിയും ദൗര്‍ബല്യങ്ങളും തിരിച്ചറിയാന്‍

    D) മുകളില്‍ കൊടുത്തിരിക്കുന്നവ എല്ലാം

2. കോഴ്സ് തുടങ്ങുന്നതിനു മുമ്പുതന്നെ നിശ്ചിത പരിധി നിര്‍ണയിച്ചുകൊണ്ട് നടപ്പിലാക്കുന്ന ഗ്രേഡിംഗ് സമ്പ്രദായം 

    A) അബ്സല്യൂട്ട് ഗ്രേഡിംഗ്

    B) റിലേറ്റീവ് ഗ്രേഡിംഗ്

    C) ‍ഡയറക്ട് ഗ്രേഡിംഗ്

    D) കംപാരറ്റീവ് ഗ്രേഡിംഗ്

3. കേരളത്തില്‍ ലോവര്‍ പ്രൈമറി തലത്തിലെ കുട്ടികളെ വിലയിരുത്തുന്നതിന് ഉപയോഗിീക്കുന്ന രീതി 

    A)  ത്രി പോയന്റ് ഡയറക്ട് ഗ്രേഡിംഗ്

    B) ഫൈവ്  പോയന്റ് ഡയറക്ട് ഗ്രേഡിംഗ്

    C) ത്രീ പോയന്റ് അബ്സല്യൂട്ട് ഗ്രേഡിംഗ്

    D) ഫൈവ് പോയന്റ് അബ്സല്യൂട്ട് ഗ്രേഡിംഗ്

 4.കുട്ടികള്‍ക്ക് ഗ്രേഡ് നല്‍കുന്നതിന്റെ ഉദ്ദേശ്യമെന്ത്? 

    A) അധ്യാപികയ്ക് കുട്ടികളുടെ കഴിവുകള്‍ വിലയിരുത്താന്‍

    B) കുട്ടികളുടെ പഠനപുരോഗതിയെക്കുറിച്ച് വിവരം നല്‍കുന്നതിന്

    C) കുട്ടികള്‍ എത്രമാത്രം മിടുക്കരാണെന്ന് രക്ഷിതാക്കളെ അറിയിക്കാന്‍

    D) കുട്ടികളെ പഠിക്കാന്‍ നിര്‍ബന്ധിക്കുന്നതിന്

ഡയറക്ട് ഗ്രേഡിംഗില്‍ ഓരോ ചോദ്യത്തിനും ഗ്രേഡുകള്‍ നല്‍കും. 

ഇന്‍ഡയറക്ട് ഗ്രേഡിംഗില്‍ പെടുന്നവയാണ് അബ്സല്യൂട്ട് ഗ്രേഡിംഗും റിലേറ്റീവ് ഗ്രേഡിംഗും. 

അബ്സല്യൂട്ട് ഗ്രേഡിംഗില്‍ കുട്ടികള്‍ക്ക് ഗ്രേഡാണ് നല്‍കുക. സ്കോര്‍ നല്‍കാറില്ല. ‍ 

ഓരോ സൂചകത്തിന്റെയും മൂല്യം പരിഗണിച്ച് വിവിധ തലങ്ങള്‍ക്ക് വ്യത്യസ്ത ഗ്രേഡ് നല്‍കും. നൂറിനെ ആധാരമാക്കിയാകും വിവിധ തലങ്ങള്‍ നിശ്ചയിക്കുക.

റിലേറ്റീവ് ഗ്രേഡിംഗില്‍ ലഭിച്ച സ്കോര്‍  എത്രയാണോ അതനുസരിച്ച് ഗ്രേഡ് നല്‍കും. ഇത് ക്ലാസില്‍ താരതമ്യവിശകലനം നടത്തും. കംപാരറ്റീവ് ഗ്രേഡിംഗ് പേരു സൂചിപ്പിക്കുന്നതുപോലെ താരതമ്യം ചെയ്യാനുളളതാണ്. ക്ലാസിലെ ശരാശരി നിലയിലെ ആധാരമാക്കിയാണ് താരതമ്യം.

നിരീക്ഷണ പഠന സിദ്ധാന്തം Observational Learning 

LP UP Assistant Kerala PSC

നിരീക്ഷണപഠനത്തെ അനുകരണം അല്ലെങ്കില്‍ മാതൃകാനുകരണം എന്നും വിളിക്കുന്നു. 

ഒരു വ്യക്തി മറ്റൊരു വ്യക്തിയുടെ വ്യവഹാരങ്ങള്‍ അനുകരിക്കുന്നതിലൂടെയാണ്‌ പഠനം നടക്കുന്നത്‌. 

നിരീക്ഷണവും അനുകരണവും ആണ്‌ സൂക്ഷ്മമായ തലത്തില്‍ സാമുഹൃവികാസത്തിന്റെ അടിസ്ഥാനമെന്നാണ്‌ ബന്ദൂര സിദ്ധാന്തിക്കുന്നത്‌. അതുകൊണ്ട്‌ ബന്ദുരയുടെ സാമൂഹിക വികാസ സങ്കല്പത്തിന്‌ നിരീക്ഷണ പഠന സിദ്ധാന്തം (Observational Learning) പറയാറുണ്ട്‌.

നിരീക്ഷണ പഠന സിദ്ധാന്തം (Observational Learning) 

 ഈ നിരീക്ഷണ പഠന പ്രരകിയയ്ക്ക്‌ മാതൃക നല്‍കല്‍  (Modelling), (Attention),  (Retention), ചാലക  (Motor reproduction), അഭിപ്രേരണ അഥവാ പ്രബലനം എന്നിങ്ങനെ 5 അടിസ്ഥാനഘട്ടങ്ങളുണ്ട്‌.

1. മാതൃക നല്‍കല്‍ (Modelling)

അനുകരിക്കുന്നതിനും സാമൂഹിക ജീവിതത്തില്‍ അനുവര്‍ത്തിക്കുന്നതിനും പ്രേരിപ്പിക്കുന്ന ഒരു മാതൃക ആവശ്യമാണ്‌. സിനിമയും ടെലിവിഷനും ഇത്തരം മാതൃകകള്‍ സൃഷ്ടിച്ചു നല്‍കുന്നുണ്ട്‌.

2. kan (Attention)

നിരീക്ഷണപഠനത്തിലെ അടുത്തഘട്ടം ശ്രദ്ധയാണ്‌. നിരീക്ഷണ വിധേയമാകുന്ന സംഭവം/ പ്രതിഭാസം ശ്രദ്ധാപൂര്‍വം നിരീക്ഷിക്കപ്പെടുമ്പോള്‍ മാധ്രമാണ്‌ അനുകരണീയമാകുന്നത്‌. മാതൃകാവ്യവഹാരങ്ങളുടെ പ്രധാനപ്പെട്ട സവിശേഷതകളില്‍ വേണ്ട്രത ശ്രദ്ധ ചെലുത്താതിരു ന്നാല്‍ വേണ്ട്രത പഠനം സാധ്യമാവുകയില്ല. പാവപരീക്ഷണത്തില്‍ മാതൃക (അക്രമി) ചെയ്യുക യും പറയുകയും ചെയ്യുന്ന കാരൃത്തില്‍ കൃത്യമായി ശ്രദ്ധിക്കാന്‍ കഴിഞ്ഞാല്‍ മാത്രമേ മാത്യ കയുടെ വ്യവഹാരങ്ങള്‍ അതേപടി പ്രകടിപ്പിക്കാന്‍ കുട്ടികള്‍ക്ക്‌ സാധിക്കൂ. മാതൃകാ വ്യക്തിയുടെ പ്രത്യേക സവിശേഷതകളില്‍ ശ്രദ്ധ ചെലുത്തിയാണ്‌ ഇന്ദ്രിയമുശ്രണം നടത്തുന്നത്‌.

3, നിലനിര്‍ത്തല്‍ (Retention)

അനുകരണവ്യവഹാരങ്ങള്‍ പുന:.,പകാശനം ചെയ്യണമെങ്കില്‍ അതുമായി ബന്ധപ്പെട്ട കാര്യങ്ങള്‍ വ്യക്തികള്‍ ദീര്‍ഘകാലം ഓര്‍മയില്‍ സൂക്ഷിക്കേണ്ടതുണ്ട്‌. അതായത്‌ മാതൃക യാക്കപ്പെടുന്ന ഒരു വ്യവഹാരം ദീര്‍ഘകാലം ഓര്‍മയില്‍ നിലനില്‍ക്കുമ്പോള്‍ മാത്രമാണ്‌, അവ അനുകരിക്കപ്പെടുകയും സാമൂഹികശീലങ്ങളുടെ ഭാഗമായി മാറുകയും ചെയ്യുന്നത്‌. പാവയെ ഉപദ്രവിക്കുന്നത്‌ നിരീക്ഷിച്ച കുട്ടികള്‍ ക്രമീകൃതമായ രീതിയില്‍ ആ വിവരങ്ങള്‍ രേഖപ്പെടു ത്തുകയും ഓര്‍മയില്‍ നിലനിര്‍ത്തുകയും ചെയ്തതു മൂലമാണ്‌ ഈ വ്യവഹാരം പുന:ര്പകാശനം ചെയ്യാന്‍ കുട്ടികള്‍ക്ക്‌ കഴിഞ്ഞത്‌. ഒരേ പരസ്യം തന്നെ ആവര്‍ത്തിക്കപ്പെടുന്നതിന്റെ മനശാസ്ത്രം ഇതു കൂടിയാണ്‌.

4, ചാലക പ്രകടനം ( reproduction)

സ്വാംശീകരിച്ച അനുഭവബിംബങ്ങള്‍ യഥാര്‍ത്ഥ പ്രകടനങ്ങളായോ വിവിധ രീതിയിലുള്ള മറ്റു പ്രവര്‍ത്തനങ്ങളായോ മാറ്റുന്നു.

അനുകരണമാതൃകയുടെ വ്യവഹാരങ്ങള്‍ അതേ രുപത്തില്‍ പുന:രപകാശനം ചെയ്യാന്‍ നിരീ ക്ഷകന്‍ സാധിക്കണം. 

ഉദാഹരണമായി മോട്ടോര്‍ സൈക്കിള്‍ ഓടിക്കാനുള്ള ആഗ്രഹം മാതൃ കയിലൂടെ സുൃഷ്ടിക്കപ്പെടുകയും അത്‌ ദീര്‍ഘകാലം മനസ്സില്‍ നിലനില്‍ക്കുകയും ചെയ്യുന്ന ഒരാള്‍ക്ക്‌ അത്‌ പ്രായോഗികമാക്കാന്‍ തുടര്‍ന്നുവേണ്ടത്‌ അതിനുവേണ്ട ചാലകശേഷി ആര്‍ജിക്ക ലാണ്‌. പാവപരീക്ഷണത്തില്‍ പാവയെ ഇടിക്കുന്നതിനും തൊഴിക്കുന്നതിനുമുള്ള കായിക ശേഷികള്‍ കുട്ടികള്‍ ആര്‍ജിക്കുമ്പോഴാണ്‌ നിരീക്ഷണ പഠനം പൂര്‍ണമാകുന്നത്‌.

5, അഭിപ്രേരണ/പ്രബലനം 

പ്രശംസിക്കപ്പെടുകയോ സമ്മാനിതമാകുകയോ ചെയ്യുന്ന മാതൃകകളാണ്‌ അനുകരിക്കപ്പെടു ന്നത്‌. ടെലിവിഷനിലൂടെ വീക്ഷിക്കുന്ന പല രംഗങ്ങളും കട്ടികളുടെ വ്യവഹാരങ്ങളെ പ്രബലനം ചെയ്യുമെന്ന്‌ ബന്ദുര അഭിപ്രായപ്പെടുന്നു.

 ഒരിക്കല്‍ ശ്രദ്ധിക്കുകയും ഓര്‍മയില്‍ സൂക്ഷിക്കുകയും ചാലകശേഷികള്‍ സ്വായത്തമാക്കുന്നതിലൂടെ പ്രകടിപ്പിക്കുകയും ചെയ്യുന്ന മാതൃകാവ്യവഹാര ങ്ങള്‍ മീഡിയായിലൂടെ ധനാത്മക പ്രബലനത്തിനു വിധേയമാകുന്നു. 

 പ്രോത്സാഹനം, അംഗീകാരം, മറ്റു സമ്മാനങ്ങള്‍ തുടങ്ങിയ അനുകൂലമായ പ്രോത്സാഹക സാഹചര്യങ്ങള്‍ പ്രത്യക്ഷ പ്രകടനത്തിനുള്ള ത്വര വര്‍ധിപ്പിക്കുന്നു. 

അര്‍ഥപൂര്‍ണമായ ഫീഡ്ബാക്ക്‌പോലുള്ള അനുകൂല്രപബലകങ്ങള്‍ കൂടുതല്‍ മെച്ചമായ പ്രകടനത്തിനുവേണ്ട ശരിയായ ശ്രദ്ധയ്ക്കും സ്മരണയ്ക്കും സഹായകമാകും.

നിരീക്ഷണപഠനം വ്യക്തിത്വ വികസനത്തില്‍

🔹നിരീക്ഷണപഠനം വ്യക്തിത്വ വികസനത്തില്‍ സുപ്രധാനമായ പങ്ക്‌; വഹിക്കുന്നുണ്ട്‌. 

🔹നിരീക്ഷണ ത്തിലൂടെ പഠിക്കുകയും പ്രകടിപ്പിക്കുകയും ചെയ്യാറുണ്ട്‌. ആക്രമണവാസന, ലൈംഗികോത്തേജ ക വ്യവഹാരങ്ങള്‍, ആശ്രിതത്വം തുടങ്ങിയവ ഉദാഹരണങ്ങളാണ്‌.

 🔹സ്നേഹം നിറഞ്ഞവരും പ്രോത്സാഹകരുമായ മുതിര്‍ന്ന മാതൃകാ വ്യക്തികള്‍, വേണ്ട്ര്ര പ്രോത്സാഹനം നല്‍കാത്ത മാതൃകകളേക്കാള്‍ കൂടുതല്‍ അനുകരിക്കപ്പെടും. 

🔹ഉയര്‍ന്ന നിലയിലുള്ള മാതൃകകള്‍ക്ക്‌ താഴെ ത്തട്ടിലുള്ള മാതൃകകളെക്കാള്‍ ഉയര്‍ന്ന നിലവാരത്തില്‍ നിരീക്ഷണപഠനത്തിനു പ്രേരണ നല്‍കാന്‍ കഴിയും. 

🔹അതുപോലെ കൂട്ടുകാര്‍ക്കും സ്ഥാപനങ്ങള്‍ക്കും അനുകരണത്തില്‍ ശക്ത മായ സ്വാധീനം ചെലുത്താന്‍ കഴിയും.

🔹 ബിംബരുപത്തിലോ ഭാഷാരുപത്തിലോ മാതൃകാ വ്യവഹാരവുമായുണ്ടാകുന്ന പരിചയം സജീവസന്ദര്‍ഭങ്ങള്‍ വഴി ലഭിക്കുന്നതിനു തുല്യമായ ക്ഷമതയോടെ, അനുകരണ പഠനത്തിനു സഹായകമാവും. 

🔹പഠിതാക്കളുടെ സമ്പൂര്‍ണ വ്യവ ഹാരം വാര്‍ത്തെടുക്കുന്നതിനുള്ള കാര്യക്ഷമമായ തന്ത്രമായി മാതൃകാനുകരണത്തെ കണ ക്കാക്കാം.

🔹 അതേസമയം, തെറ്റായതും ഭാവനാസമ്പന്നമായ മാതൃകകളുമായി താദാത്മ്യം പ്രാപിക്കാന്‍ കുട്ടികളെയും യുവാക്കളെയും പ്രലോഭിപ്പിക്കുന്ന പരസ്യങ്ങളോടും മറ്റു മാധ്യമങ്ങളോടും നിരന്തരം സമരസത്തില്‍ ഏര്‍പ്പെടാന്‍ നാം നിര്‍ബന്ധിതരുമാണ്‌. 

🔹വിദ്യാഭ്യാസത്തിന്റ പ്രധാന ധര്‍മം അനുകരിക്കാന്‍ പറ്റിയ ഉദാത്ത മാതൃകകള്‍ തെരഞ്ഞെടുക്കാന്‍ പഠിതാക്കളെ സഹായിക്കുക എന്നതാണെന്ന്‌ പറയാം.